STEFAN ZWEIG

HOGEITA LAU ORDU EMAKUME BATEN BIZITZAN

 

 

Bi irrikaren historia: jokalari baten irrikak, grinak, pasioak emakume batenarekin egiten du topo, hasieran beretzat ere arrotza zena edo onartu nahi ez zuena. Bere buruaz honako hau dio emakumeak: “Berrogei urte nituela, bat-batean gizona hil zitzaidan. Bere tropiko-urteetan hartutako gibeleko gaitz bat izan zen: bi aste larriren buruan galdu nuen”. “Bigarren dolu-urtean, hots, nire bizitzaren berrogeita bigarrenean, xederik gabeko existentzia makal baten aurrean aitorrezineko ihesaldian nindoala, martxoaren bukaeran Montecarlo aldera jo nuen. Egia esanda: asper eginda nengoen eta osatu nahian nenbilen goragale antzeko zerbait eragiten zidan barneko hutsune oinazetsu hura, gutxienez, kanpoko pizgarri txikiez elikatuz”. Bizitza erabat antolatua zuen eta bere gizartean duintasunik zorrotzena eta konbentzionalena manentzen ohitua zen emakumeak 24 urte inguruko jokalari bat ezagutu, eta hura jokoaren irrikatk, grinatik, pasiotik hastantzen saiatuko da.

 

STEFAN ZWEIG

Vienan jaio zen, 1881ean. Oso idazle ospetsua izan zen 1930-40etan. Industriagizon judu aberats baten semea zen eta, filosofia eta literaturaren historia ikasirik, oso gazterik hasi zen idazten. Eleberriak, poemak eta Europako zibilizazioa aztertzen duten saiakera-lanak idatzi zituen, besteak beste. Nazional-sozialismoaren etsai baitzen, Brasilera ihes egin zuen Hitlerren gorakadarekin, eta bere emaztearekin batera bere buruaz beste egin zuen, “libreki erabakirik eta argitasun osoz", 1942an, nazismoak Europan barrena aurrera egiten zuela ikusi, eta europar zibilizazioaren etorkizunaz etsirik. 1919tik 1934 arte Salzburgen bizi izan zen, eta han idatzi zituen bere biografia, kontakizun eta saiakerarik ospetsuenak. Horien artean aipagarriak dira Maria Antoinette, Erasmo Rotterdamekoa, Dickens, Balzac.

Eleberrien artean aipatzekoak dira, besteak beste, Amok, Xake-nobela, Emakume ezezagun baten gutuna, Sentimenduen nahasmendua eta Hogeita lau ordu emakume baten bizitzan.

 

Igelak argitaratutako Stefan Zweigren beste liburu batzuk:

EMAKUME EZEZAGUN BATEN GUTUNA