€21,00
Bidaiatzea oso da probetxuzko gauza, irudimenari eragiten dio. gainontzeko guzia desilusio eta neke hutsa. gure bidaia hau, berriz, zeharo da alegiazkoa. Hortik du indarra. Bizitzatik heriotzara doa. Gizaki, animalia, herri eta gauzak, dena da irudimenezkoa. Elaberria da, fikziozko kontaera besterik ez. Hala dio Littrék, behin ere hutsegiten ez duenak. Eta gainera mundu guziak libre du horrenbeste egitea. Begiak ixtea nahikoa du. Bizitzaz bestaldean dago.
Itzultzailea: Matías Múgica.
Oraindik ere Célineren kasua partikularra da. Urteak igaro dira hari buruzko biografia dezenteko bat argitaratu gabe. Batzuek ez diote barkatzen iraganean kolaboratzaile izana; besteei berdin zaie Célineren ideologia; 'Voyage au bout de la nuit-Gauaren muturrerainoko bidea' nobela onesten dute, nobela ona delako. Beti dago hirugarren bidea. Ez da ezer ahaztu behar , baina bereiztu behar dira gizona eta idazlea. Célineren kasuan, dena dela, zaila da oso bereizketa hori. Nola uler daiteke 'Voyage au bout de la nuit' idatzi zuenak era berean idaztea 'Bagatelles pour un massacre', panfleto antisemistarik gogorrena, Célineren hitzetan "gorrotoz betetako panfletoa?". Komikoa edo paradojikoa izango zatekeen liburu hori, gaur egungo ikuspegitik begiratuta ere, II Gerratean hainbeste judutar sarraskitu izan ez balituzte, Célinek bere liburuan erabiltzen dituen argumentoak erabiliz. Céline kontresanez beterik agertzen zaigu. Mirande bezala, baina Mirande harekin alderatuz haur besoetakoa besterik ez da.
Matías Múgica (Iruñea, 1961). Filologia Klasikoa ikasi zuen, eta Itzulpen Masterra egina du. Nafarroako Administrazioan lan egin du itzultzaile eta editore. Hainbat autoreren lanak itzuli ditu, besteak beste L.F. Céline, Joseph Roth, Goethe, Boccaccio eta Maupassantenak, Igelan ia guztiak. Itzulpen onenaren Euskadi Saria jaso zuen 2017an Testamentuaren itzulpenagatik.
| Orrialde kopurua | 616 |
|---|---|
| Neurria | 12 x 20 zentimetro |
| ISBN | 978-84-87484-15-5 |
| Ber. ISBN | 978-84-87484-15-5 |
| Argitaratze data | 1992/12/12 |
| Ber. argitaratze data | 2016/10/30 |
